Kişilər üçün otlardan ibarət kompleks

“Kişilər üçün otlardan ibarət kompleks” kapsulları panaksozidlərin və eleuterozidlərin əlavə mənbəyi qismində tövsiyə olunur. Bu kompleksin tərkibində cırtdan palma meyvələrinin, ikievli gicitkən yarpaqlarının, zarlı gəvən kökünün, Koreya jenşeni kökünün, tikanlı eleuterokokk kökünün, soya izoflavonlarının təbii ekstraktları, cırtdan palma meyvələrinin tozu, zarlı gəvən kökünün tozu, tikanlı eleuterokokk kökünün tozu, gicitkən yarpaqlarının tozu vardır. Balanslaşdırılmış tərkibi sayəsində “Kişilər üçün otlardan ibarət kompleks” kapsulları ümumi möhkəmləndirici təsirə malikdir, iş qabiliyyətinin və stressə qarşı davamlılığın yüksəlməsinə, immunitetin möhkəmlənməsinə, prostat vəzi adenomasının inkişaf etmə riskinin azalmasına və testosteronun səviyyəsinin normallaşmasına kömək edir.

Farmakoloji təsiri

Cırtdan palmanın (So Palmetto) meyvələrinin və onların ekstraktının tərkibində iltihab əleyhinə fəallığa malik olan və prostat vəzinin hiperplaziyasının (adenomasının) qarşısını almağa kömək edən maddələr vardır. Gicitkən yarpaqlarının ekstraktı və tozu mülayim sidikqovucu təsir göstərir, prostat vəzinin adenoması zamanı sidik ifrazı prosesini yüngülləşdirməyə, prostat vəzinin funksiyasını normallaşdırmağa kömək edir. Zarlı gəvən bitkisinin ekstraktı və tozu tonuslandırıcı vasitə qismində istifadə olunur. Həmçinin gəvən bitkisinin fəal inqrediyentləri orqanizmin immunitetini və yoluxucu xəstəliklərə qarşı müqavimətini artırmağa kömək edirlər. Koreya jenşeninin və eleuterokokkun ekstraktları orqanizmə tonuslandırıcı təsir göstərir, əqli və fiziki yüklənmələrə daha asanlıqla davam gətirməyə, müxtəlif növ stresslərlə mübarizə aparmağa kömək edirlər. Soya izoflavonlarının ekstraktı prostat vəzi xərçənginin inkişaf etmə riskini azaltmağa imkan verir. Bundan əlavə, soya izoflavonları ürək-damar sisteminə müsbət təsir göstərir, xolesterinin səviyyəsinin aşağı salınmasında iştirak edirlər.