C VİTAMİNİNİN TARİXİ
Biz sinqa xəstəliyi haqqında çox eşitmirik və bunların hamısı C vitamini sayəsindədir.
C vitamini kəşf edilməzdən əvvəl sinqa xəstəliyi qida çatışmazlığından əziyyət çəkən insanlarda inkişaf edən geniş yayılmış bir xəstəlik idi. 1700-cü illərdə tərkibində C vitamini olan əlvan meyvə və tərəvəz kimi qidalara uzun səfərlərdə sərnişin və dənizçilər daşıyan gəmilərdə çox nadir hallarda rast gəlinirdi.
Bununla belə, şotlandiyalı cərrah Ceyms Lind (James Lind) gəmidə olarkən vəziyyətlərinin yaxşılaşacağını öyrənmək üçün xəstə dənizçilərə limon suyu verib. 1795-ci ilə qədər Lind Britaniya hərbi donanmasından sinqa xəstəliyini demək olar ki, aradan qaldırdı. Yalnız uzun illər sonra, 1928-ci ildə macar kimyaçısı Albert Szent-Dyorgi (Albert Szent-Gyorgi) C vitamini aşkar etdi.
Askorbin turşusu olaraq da bilinən C vitamini kimyəvi yolla istehsal olunan ilk vitamin idi. Szent-Györgyi inqilabi kəşfinə görə Nobel mükafatı aldı, C vitamini isə yəqin ki, bu gün ən çox istifadə edilən əlavəyə çevrildi.
C VİTAMİNİ İMMUN SİSTEMİNƏ NECƏ FAYDALIDIR?
C vitamini insanlar üçün zəruri qida elementlərindən biridir, lakin orqanizm bu vitamini özbaşına istehsal edə bilmir.
C vitamini qida məhsulları və ya qida əlavələri kimi xarici mənbələrdən alınmalıdır. B vitaminləri kimi C vitamini də suda həll olunur.
Orqanizm suda həll olunan vitaminləri saxlamadığı üçün C vitamini gündəlik istehlak edilməlidir.
Askorbin turşusu şəklində olan C vitamini orqanizmin bir çox sistemi üçün lazım olduğu üçün Ümumdünya Səhiyyə Təşkilatının əsas dərman vasitələri siyahısına daxildir:
- C vitamini müxtəlif funksiyalarını dəstəkləyərək immun sisteminə kömək edir. O, güclü bir antioksidandır və oksidləşdirici yükləməyə səbəb ola biləcək sərbəst radikallarla mübarizədə iştirak edir.
- C vitamini immun sisteminin mühüm komponentləri olan leykositlərin fəaliyyətini dəstəkləyir.
- C vitamini dərinin və birləşdirici toxumanın sağlamlığını təmin edən kollagenin istehsalında iştirak edir.
HANSI MƏHSULLARDA ÇOXLU C VİTAMİNİ VAR?
C vitamini ilə zəngin məhsulların istehlak edilməsi – immun sisteminizi dəstəkləməyin ilk yoludur.
C vitamininin təbii mənbələrinə portağal, qreypfrut, limon və laym kimi sitrus meyvələri, həmçinin ananas, kivi və qarpız kimi daha az yayılmış meyvələr daxildir.
Brokoli, ispanaq, yaşıl və qırmızı bolqar bibəri, şirin kartof və pomidor kimi bir çox tərəvəz C vitamini ilə zəngindir.
ESTER-C İLƏ C VİTAMİNİ ARASINDA FƏRQ NƏDİR?
Aptekdə C vitamini diqqət yetirmisinizsə, çox güman ki, geniş seçim sizi heyrətləndirmişdi.
Ester-C və adi C vitamini arasında fərq nədədir?
C vitamini turş dada malikdir və bəzi insanlarda mədə qıcıqlanmasına səbəb ola bilər.
Ester-C bu problemi nəzərə alaraq hazırlanmışdır – C vitamininin bu asanlıqla həzm olunan forması mədəyə zərif təsir göstərir.
Ester-C istehsalı zamanı həmçinin, C vitamininin orqanizmdə qalma müddətini artıran C vitamini metabolitləri də yaranır.
Solgar çeşidinə C vitamininin müxtəlif formaları daxildir: hər bir istehlakçının özü üçün ən münasib formanı seçə bilməsi üçün Ester-C plyus immun kompleksi, Ester-C plyus 500 mq, C vitamini və itburnu, çeynəlinən həblər Moruq dadlı C vitamini.
